मोरङ: मोरङ रतुवामाई १ कल्याणपुरस्थित भित्री सडकखण्डमा मोटरसाईकल दुर्घटनामा एकको मृत्यु भएको छ ।

मृत्यु हुनेमा रतुवामाई १ सोनापुरका २२ बर्षीय आबिद मिँया रहेका छन् । हिजो राती साढे ९ बजे को २७ प ४६५० नम्बरको मोटरसाईकल सोही स्थान बाटोमा बिग्रिएर पार्किङ गरी राखेको को २ त २८०० नम्बरको ट्रयाक्टरमा ठोकिएर मियाँ घाइते भएका थिए । दुर्घटनामा परी घाइते मोटरसाईकल चालक मिँयाको उपचारको क्रममा रंगेली अस्पतालमा राती ११ बजे मृत्यु भएको जिल्ला प्रहरी कार्यालय मोरङले जनाएको छ ।