उदयपुर: उदयपुरका दुई छुट्टाछुट्टै स्थानबाट नियन्त्रित लागुऔषध ब्राउन सुगर र ट्याब्लेटसहित ३ जना पक्राउ परेका छन् ।

जिल्ला प्रहरी कार्यालय उदयपुरबाट खटिएको प्रहरी टोलीले मंगलवार राती पौने ८ बजे त्रियुगा नगरपालिका ११ का २२ बर्षीय प्रशान्त राई र वडा नम्बर १२ का १८ बर्षीय रुपम लिम्बुलाई पक्राउ गरेको हो । प्रहरीले उनीहरुलाई फेनारगन १९ एम्पुल, डाईजेल्याप १७ एम्पुल, नोफिन १५ एम्पुल र लेबल बिनाको ३ एम्पुल गरी जम्मा ५४ एम्पुल लागुऔषधसहित सिदार्थ टोलबाट पक्राउ गरेको हो ।

यसैगरी, राती साँढे १० बजे त्रियुगा नगरपालिका ११ पिपल चोकबाट स्थानीय १८ बर्षीय राउल श्रेष्ठ २० ग्राम ब्राउन सुगरसहित पक्राउ परेका छन् । गस्तिमा खटिएको प्रहरी टोलीले ३ जनालाई नै लागुऔषध सहित पक्राउ गरेको र सो सम्बन्धमा थप अनुसन्धान भईरहेको जिल्ला प्रहरी कार्यालय उदयपुरले जनाएको छ ।