सुनसरी: सुनसरीको रामधुनी नगरपालिका १ सैनीमैनीमा टेम्पो पल्टिदा चालकको मृत्यु भएको छ ।

बिहिवार राती ९ बजेको समयमा सैनीमैनीस्थित भित्री सडक खण्डमा दुर्घटना हुँदा इनरुवा नगरपालिका ७ का ३५ बर्षीय नन्दराज खवासको मृत्यु भएको हो । उनले चलाएको को २ ह ६२६३ नम्बरको टेम्पो आफै अनियन्त्रित भई दुर्घटनाभएको प्रहरीको भनाई छ । घाइते भएका उनीलाई उपचारको लागि ईटहरीको ऐपेक्स अस्पताल लैजाने क्रममा बाटोमा नै मृत्यु भएको जिल्ला प्रहरी कार्यालय सुनसरीले जनाएको छ ।