झापा: झापाको अर्जुनधारा ११ स्थित बसपार्क छेउको एक होटलबाट लागुऔषध ब्राउन सुगरसहित ६ जना पक्राउ परेका छन् ।

पक्राउ पर्नेमा पाँचथर फाल्गुनन्द ३ का २५ बर्षीय बिबेक तामाङ, २१ बर्षीय समिर लिम्बु, २४ बर्षीय सन्जु चेम्जुङ, १८ बर्षीय दिपेन नेम्वाङ रहेका छन् । यसैगरी, झापा अर्जुनधारा ६ का १८ बर्षीय रोशन गुरुङ र ईलाम तेनपा २ का २० बर्षीय सन्तोष तामाङ रहेका छन् ।

बिशेष सुराकीको आधारमा ईलाका प्रहरी कार्यालय अनारमनीबाट खटिएको प्रहरी टोलीले बसपार्कमै रहेको माउन्ट मेची होटलको एक कोठाबाट पक्राउ गरेको हो । कोठामा चेकजाँच गर्ने क्रममा ३९ ग्राम, २९ मिलिग्राम ब्राउनसुगर जस्तो देखिने खैरोपदार्थ थालमा राखेको अवस्थामा फेला पारेको र उनीहरुलाई पक्राउ गरिएको उक्त कार्यालयले जनाएको छ । पक्राउ परेका ६ जनालाई ईलाका प्रहरी कार्यालय अनारमनीमा राखी थप अनुसन्धान भईरहेको सो कार्यालयले जनाएको छ ।