धरान: धरान उपमहानगरपालिका वडा नं १० स्थित धर्मपथबाट एक युवा लागुऔषध ब्राउन सुगरसहित पक्राउ परेका छन् ।

प्रहरीले ब्राउन सुगरसहित धरान १० का २६ बर्षीय दिपेश सुब्बालाई पक्राउ गरेको हो । उनलाई आइतबार दिउँसो साढे १ बजे धर्मपथबाट पक्राउ गरेको इलाका प्रहरी कार्यालयले जानकारी दिएको छ । उनको साथबाट ४ ग्राम ब्राउन सुगर र २० हजारु रुपैया पनि वरामद भएको डिएसपी ढुण्डीराज न्यौपानेले जानकारी दिए ।

साथै उनको एक थान मोवाइल पनि वरामद भएको प्रहरीले जनाएको छ । धर्मपथमा शंकास्पद अवस्थामा हिडडुल गरिरहेको अवस्थामा उनलाई प्रहरीले चेकजाँच गर्दा गोजीमा प्लाष्टिकले पोको पारेर लुकाएको अवस्थामा ब्राउन सुगर फेला परेको प्रहरीले जनाएको छ ।