सुनसरी:सुनसरीको भोक्राहा नरसिंह गाउँपालिका २ को भित्री सडक खण्डमा मोटरसाईकलको ठक्करले एक पैदल यात्रीको मृत्यु भएको छ ।

सोमवार दिउँसो साँढे ३ बजे उत्तरबाट दक्षिणतर्फ जाँदै गरेको को १२ प ४२० नम्बरको मोटरसाईकलले ठक्कर दिंदा स्थानीय ६० बर्षीय झबर मेहताको मृत्यु भएको हो । मोटरसाइकलको ठक्करले घाईते भएका मेहताको उपचारको क्रममा ईनरुवा अस्पतालमा मृत्यु भएको प्रहरीले जनाएको छ । मोटरसाईकल र चालक प्रहरी चौकी भोक्राहाले नियन्त्रणमा लिएर राखेको १ नम्बर प्रदेश प्रहरी कार्यालय विराटनगरले जानकारी दिएको छ ।