झापा: झापाको दमक नगरपालिका ३ मावाखोला पुलबाट कटुवा पेस्तोलसहित एक जना पक्राउ परेका छन् ।

ईलाका प्रहरी कार्यालय दमकबाट खटिएको प्रहरी टोलीले मिक्लाजुङ गाउँपालिका ९ का ४४ बर्षीय मेघराज गौतमलाई एक थान कटुवा पेस्तोलसहित पक्राउ गरेको हो । उनको साथबाट सोही पेस्तोलको गोली १ थान र खाली खोका २ थान पनि वरामद भएको प्रहरीले जनाएको छ । मावा खोला पुल आसपास हतियारसहित एक ब्यक्ति घुमफिर गरिरहेको भन्ने गोप्य सुचना पाएपछि प्रहरी टोली त्यसतर्फ परिचालित भएको थियो । हतियारसहित पक्राउ परेका गौतमबारे थप अनुसन्धान भईरहेको ईलाका प्रहरी कार्यालय दमकले जनाएको छ ।