झापा: झापाको मेचीनगर नगरपालिका ६ भन्सार गेट छेउबाट खैरो हेरोईनसहित ३ जना पक्राउ परेका छन् ।

लागुऔषध नियन्त्रण ब्युरो काकाडभिट्टाबाट नियमित चेकजाँचमा खटिएको प्रहरी टोलीले भारतीय बजार पानीट्याङकीबाट नेपालतर्फ आउदै गरेका तीन जना युवालाई खैरो हेरोइनसहित पक्राउ गरेको हो । पक्राउ पर्नेहरुमा अर्जुनधारा नगरपालिका ४ का १७ बर्षीय राजेश खड्का, अर्जुनधारा नगरपालिका ७ का १८ बर्षीय सुनिल कुमार मण्डल र १९ बर्षीय राजेश कालिकोटे रहेका छन् । प्रहरीले उनीलाई २ ग्राम खैरो हेरोईन सहित पक्राउ गरेको जनाएको छ । पक्राउ परेका तीनै जनाको सम्बन्धमा थप अनुसन्धान भईरहेको ईलाका प्रहरी कार्यालय काकडभिट्टाले जनाएको छ ।