धरान: डाँका मुद्दाको फरार प्रतिवादीलाई इलाका प्रहरी कार्यालय धरानले पक्राउ गरेको छ ।

पक्राउ पर्नेमा धरान १४ विजयपुरका १९ बर्षीय ताके भनिने एल्विस राई रहेका छन् । प्रहरीले उनलाई हिजो शनिबार विजयपुरबाट नै पक्राउ गरेको हो । उनलाई आज अदालतमा पेश गर्दा ८० हजार धरौटी बुझाउन नसकेपछि थुनामा गएको पनि इलाका प्रहरी कार्यालय धरानले जनाएको छ । उनले गत कार्तिक २९ गते धरान १४ कै १९ बर्षीय प्रथम श्रेष्ठको नगद, पर्स र मोबाइल लुटपाट गरेर फरार भएको प्रहरीले जनाएको छ ।