धरान: धरान १५ त्रिवणी चोकस्थित एक घरमा भएको गोठमा आगलागी भएको छ । स्थानीय कविता लिम्बुको घरमा रहेको गोठमा भएको आगलागीबाट उनका बाख्रा, पाठा र एउटा वंगुर जलेको मरेको प्रहरीले जनाएको छ ।

दिउँसो करिब एक बजेतिर अचानक गोठमा आगो लागेको थियो । आगलागीबाट लिम्बुको बाख्रा र पाठा गरि १५ वटा जलेर मरेको छ भने एउटा वंगुर पनि मरेको इलाका प्रहरी कार्यालय धरानका डिएसपी ढुण्डीराज न्यौपानेले जानकारी दिए । आगो धरान उपमहागनरपालिकाको दमकल गएर नियन्त्रणमा लिएको थियो । आगलागीको कारण भने यकिन हुन सकेको छैन ।