_1704867435.jpeg)
तेह्रथुम: तेह्रथुमको छथर गाउँपालिका ४ फाक्चामारामा आगलागी हुँदा करिब १५ लाख बराबरको क्षति पुगेको छ ।
स्थानीय सुर्य बहादुर लिम्बुको घरमा आगलागी हुँदा १५ लाख बराबरको क्षति भएको प्रहरीले जनाएको छ । आज बिहान ८ बजे लिम्बुको घर र गाईगोठमा विद्युत सर्ट भएर अचानक आगलागी भएको प्रहरीले जनाएको छ । ढुङगा माटोले बनेको २ तले घर २ वटा र गाईगोठमा आगलागी हुँदा घरसहित घरमा भएको सम्पुर्ण कांठपात, खाद्यान्न, लत्ताकपडा समेत जलेर नष्ट भएको छ ।
आगलागीमा लिम्बुको गोठमा रहेका १० वटा बाख्रा र १ वटा सुँगुर समेत जलेर मरेको प्रहरीले जनाएको छ । उक्त आगलागी प्रहरी चौकी शुक्रवारेबाट खटिएको प्रहरी टोली र स्थानीयवासीको सहयोगमा साँढे १० बजे नियन्त्रणमा आएको थियो भने मानवीय क्षति नभएको जिल्ला प्रहरी कार्यालय तेह्रथुमले जनाएको छ ।
