_1704867435.jpeg)
उदयपुर: उदयपुरको दुई छुट्टाछुट्टै स्थानबाट तास खेलिरहेका ९ जनालाई प्रहरीले नियन्त्रणमा लिएको छ ।
बेलका नगरपालिकाको वडा नम्बर ३ र वडा नम्बर २ बाट उनीहरुलाई प्रहरीले पक्राउ गरेको हो । तास खेलिरहेको सूचना आएपछि ईलाका प्रहरी कार्यालय रामपुर ठोक्सिलाबाट खटिएको प्रहरी टोलीले तास र नगद सहित पक्राउ गरेको प्रहरीले जानकारी दिएको छ । वडा नम्बर ३ का राम बहादुर माझीको घरमा तास खेलिरहेका घर धनीसहित स्थानीय ३७ बर्षीय दिपक माझी, २४ बर्षीय जस बहादुर माझी, ३० बर्षीय कर्साङ लामा र ३२ बर्षीय राजन माझीलाई नियन्त्रणमा लिएको हो । उनीहरुको साथबाट नगद ४ हजार २ सय २० रुपैयाँ र ३ बुङ तास समेत बरामद गरेको थियो ।
यसैगरी, वडा नम्बर २ का ३० बर्षीय सुर्य बहादुर बस्नेतको घरमा तास खेलिरहेका घर धनीसहित स्थानीय ३१ बर्षीय सम्राट राई, ५० बर्षीय सिताराम बस्नेत र बराहक्षेत्र नगरपालिका ९ का ४८ बर्षीय गणेश मगरलाई नियन्त्रणमा लिएको हो । उनीहरुको साथबाट ३ हजार २ सय ९५ रुपैयाँ नगद र १ बुङ तास बरामद भएको प्रहरीले जनाएको छ ।
