सोलुखुम्बु: सोलुखुम्बुको थुलुङ दुधकोशी गाउँपालिका ७ का ६० बर्षीय गोकुल राई जंगलमा मृत फेला परेका छन् ।

बुधवार बिहान १० बजे आफ्नै बाख्रा चराउन जंगलतर्फ गएका राई आज बिहान मृत फेला परेका हुन् । बेलुकासम्म पनि घर फर्केर नआएपछी खोजतलास गर्ने क्रममा आज बिहान ७ बजे थुलुङ दुधकोशी गाउँपालिका ८ को सनसारी डाँडाको भिर मुनि मृत अवस्थामा फेला परेको प्रहरीले जनाएको छ । घटनास्थलमा जिल्ला प्रहरी कार्यालय सोलुखुम्बुबाट अनुसन्धान अधिकृतसहितको टोली खटिएको छ । घटनास्थलको कानूनी प्रकृयाका साथै अन्य थप अनुसन्धान भईरहेको प्रहरी कार्यालयले जनाएको छ ।