_1704867435.jpeg)
धरान: धरानको दुर्गा चोकमा मोटरसाइकल दुर्घटनामा एक युवाको मृत्यु भएको छ ।
धरान १६ का २४ बर्षीय विशाल घिसिङको दुर्घटनमा परि मृत्यु भएको हो । मोटरसाइकल अनियन्त्रित भई एक घरको वालमा ठोक्किएर गम्भीर घाइते भएका उनलाई वीपी प्रतिष्ठान पुर्याउदा बाटोमै निधन भइसकेको डिएसपी ढुण्डीराज न्यौपानेले जानकारी दिए । उनी नेपाली कांग्रेसका जिल्ला कार्यसमिति सदस्य माधव घिसिङका एक्ला छोरा थिए ।
दुर्घटना आइतबार साँझ करिब साढे ६ बजेतिर भएको हो । आज उनकी आमाको जन्मदिन परेको थियो । त्यसैले केही सामान किन्नको लागि उनी मोटरसाइकलमा थोरै समयको लागि घरबाट बाहिर निस्केका थिए । त्यसैबेला उनले दुर्घटनामा परेर ज्यान गुमाउन पुगे ।
