सुनसरी: सुनसरीको ईटहरी उपमानगरपालिका ९ ओसेनपार्कस्थित प्रमोद मोटर्स ग्यारेजमा आगलागी भएको छ ।

हिजो राती साढे ७ बजे रबिन्द्र खड्काले संचालन गर्दै आएको उक्त ग्यारेजमा अचानक आगलागी भएको थियो । आगलागी हुदा तीन वटा कार जलेर नष्ट भएको प्रहरीले जनाएको छ । प्रदेश १ प्रहरी कार्यालय विराटनगरका अनुसार ग्यारेजमा बनाउनका लागी राखिएको बा २ च ३८७८ नम्बरको, को २ च ८८०३ र को २ झ १४२९ नम्बरको कारमा आगो सल्कदा जलेर नष्ट भएको छ । सो आगलागी प्रहरी, स्थानीयवासी र दमकलको सहयोगमा पुर्ण रुपमा नियन्त्रणमा आएको इलाका प्रहरी कार्यालय इटहरीले जनाएको छ ।