काठमाण्डौं: बाँकेको नेपालगञ्जमा आज थप ६ जनामा कोरोना संक्रमण पुष्टि भएको छ । योसँगै नेपालगञ्जमा मात्र आज संक्रमित पुष्टि भएको संख्या १५ पुगेको छ । ती सबै आज पोजेटिभ पुष्टि भएको हो ।

यो सँगै संक्रमितको कुल संख्या ७५ जना पुगेको छ । यसअघि आज दिउँसो संक्रमित १० जना थपिएको मध्ये ९ जना नेपालगञ्जको भएको स्वास्थ्य तथा जनसंख्या मन्त्रालयले जनाएको थियो । थपिएका संक्रमित ६ जना १६, २१ र ३४ वर्षका पुरुष तथा ४०, ५५ र ६० वर्षका महिला भएको मन्त्रालयले जानकारी दिएको छ । नेपालगञ्जमा कारोना संक्रमण देखिएका १५ जना सबै एकै टोलका हुन् ।