_1704867435.jpeg)
धरान: बेलायतमा धरान ३ निवासी एक पुर्वगोर्खा सैनिकको निधन भएको छ ।
धरान ३ सदन रोड चौबिसे चोक निवासी ७७ बर्षीय दलमान चेम्जोङ लिम्बुको बिहिबार बेलायतको समय अनुसार राती साढे ७ बजे निधन भएको हो । उनको फेमली अस्पतालमा उपचारको क्रममा निधन भएको चौबिसे समाज धरानले जनाएको छ । मृतक लिम्बु चौबिसे समाज धरानको संस्थापक सदस्य रहेको समाजका अध्यक्ष गणेशकुमार देवानले सामाजिक सञ्जाल फेसबुकमार्फत जानकारी दिएका छन् ।
बेलयातबाट गंगा प्रसाद तिलिङ लिम्बुमार्फत जानकारी आएको भन्दै अध्यक्ष देवानले लेखेका छन्,‘हाल अल्डरसट बेलायतमा बसोबास गरिरहनु भएको विगत केही समयदेखि अस्वस्थ्य रहन गई अस्पताल फ्रेमलीमा आइसियु कक्षमा विगत २५ दिनदेखि उपचारार्थ रहनु भएको थियो ।’ मृतक लिम्बुको पुख्यौली बसोबास मोरको चौबिस खदमखोला, पाटिगाउँ, केराबारी गाउँपालिका वडा नं १ रहेको पनि अध्यक्ष देवानले जानकारी दिएका छन् । मृतक लिम्बु सेभेन गोर्खा राईफलमा थिए । उनी सर्जेन्ट पदबाट अवकाश पाएका थिए ।
