झापा: ईलामको चुलाचुली ४ का ३१ बर्षीय रण बहादुर लिम्बुको मोटरसाईकल दुर्घटनाबाट मृत्यु भएको छ ।

हिजो बेलुका साँढे ७ बजे झापा कमल गाँउपालिका ५ पाडाजुंगीस्थित राजमार्गमा भएको दुर्घटनामा लिम्बुको मृत्यु भएको हो । पुर्वतर्फ जादै गरेको ना ६ ख ५४०१ नम्बरको ट्रकले बिपरीत दिशाबाट आउदै गरेको बा ६८ प ९७७० नम्बरको मोटरसाईकललार्र्इ ठक्कर दिदा मोटरसाईकल चालक लिम्बुको मृत्यु भएको ईलाका प्रहरी कार्यालय दमकले जनाएको छ । ठक्कर दिने ट्रक र चालक शिवसताक्षी ८ का २७ बर्षीय कबिन्द्र तामाङ नियन्त्रणमा रहेको उक्त कार्यालयले जनाएको छ ।