बिराटनगर: झापा र सोलुखुम्बु जिल्लामा पानीमा डुबेको अवस्थामा एक बृद्धासहित २ जना मृत फेला परेका छन् ।

झापाको गौरीगञ्ज गाउँपालिका पाराखोपीका ७३ बर्षीया बेटिया किस्कु शनिवार दिउँसो २ बजे कमलखोलामा मृत फेला परेकी हुन् । यसैगरी सोलुखुम्बुको सोताङ गाउँपालिका ३ खहरेका १८ बर्षीय दत्तसिंह राई हुगा खोलामा मृत फेला परेका छन् । बैशाख २४ गते देखि घरबाट अचानक हराएका राईको खोजतलास गर्ने क्रममा शनिवार अपरान्ह ४ बजे उक्त खोलाको बिच भागमा मृत फेला परेको ईलाका प्रहरी कार्यालय सोताङले जनाएको छ ।