धरान: स्वास्थ्य तथा जनसंख्या मन्त्रालयले नेपालमा कोरोना संक्रमितको संख्या २४५ मात्र भएको प्रष्ट पारेको छ ।

बिहान ७ः४५ बजे मन्त्रालयका सहप्रवक्ता डा.समिरकुमार अधिकारीले ५ जना कोरोना संक्रमित थपिएको जानकारी विज्ञप्ती मार्फत मन्त्रालयले दिएको थियो । मन्त्रालयको सोही जानकारी अनुसार मिडियाहरुमा नेपालमा संक्रमित हुनेको संख्या २५० पुगेको समाचारहरु प्रकाशन तथा प्रसारण भएको थियो । तर, पुनः १० बजेर १५ मिनेटमा डा.अधिकारीले नै विज्ञप्ती जारी गर्दै पछिल्लो अद्यावधिक विवरण २४५ नै रहेको जानकारी दिएका छन् । पहिले नै पुष्टि भएको ५ जना संक्रमितको विवरण पुनः रिपोटिङ भएको डा.अधिकारीले जनाएका छन् ।