उर्लाबारी: उदयपुरको बेलका नगरपालिका ८ का २२ बर्षीय दीपक बस्नेतको लडेर मृत्यु भएको छ ।

आज बिहान पौने ९ बजे मोरङ उर्लाबारी ७ मा रहेको एक घरको माथिल्लो तलामा ट्रस्ट लगाई निर्माण गर्ने क्रममा एक्कासी लडेर बस्नेत घाईते भएका थिए । बस्नेतको उपचारका क्रममा गोदावारी अस्पताल उर्लाबारीमा मृत्यु भएको जिल्ला प्रहरी कार्यालय मोरङले जनाएको छ । घटना सम्बन्धमा थप अनुसन्धान भईरहेको उक्त कार्यालयले जनाएको छ ।