_1704867435.jpeg)
धरान: सोमबार राती धरान १४ विजयपुरस्थित गणेश चोकमा एक व्यक्ति गाईलाई करणी गर्दै गरेको अवस्थामा फेला परेको भन्दै स्थानीयले मरणासन्न हुने गरि कुटपिट गरेका छन् ।
गणेश चोकमा वासुदेव भट्टराईको गोठमा गाईलाई करणी गर्दै गरेको अवस्थामा रंगे हात एक व्यक्ति फेला परेका थिए । उनलाई स्थानीयले गणेश मन्दिरको रेलिङमा बाँधेर मरणासन्न हुने गरी कुटपिट गरेका थिए । ती व्यक्तिको घर विजयपुरकै नयाँ सडकमा रहेको छ । नाम खुल्न सकेको छैन ।उनी नेपाल प्रहरीको पुर्वअसई पनि भएको बताइएको छ।
एक स्थानीयका अनुसार उनलाई यसअघि पनि ३ पटक भेटेको र सम्झाई बुझाई पठाइएको थियो । तर, आज पुनः राती करिब ९ बजे गाईलाई करणी गर्दै गरेको अवस्थामा भेटेपछि स्थानीयले बाँधेर कुटेका थिए । स्थानीयले खबर गरेपछि प्रहरी आएर ती व्यक्तिलाई लिएर गएको छ । इलाका प्रहरी कार्यालय धरानका प्रहरी निरीक्षक हेमराज ओलीले घटनास्थलमा प्रहरी टोली पठाएको बताए । विस्तृतरुपमा घटनाबारे बुझ्न बाँकी नै रहेको उनको भनाई छ ।
