_1704867435.jpeg)
धरान: नेपालमा २७ जना कोरोना संक्रमितहरु थपिएका छन् ।
कोरोना सक्रमितहरुको संख्या चार सय नाघेर ४०२ पुगेको छ । संक्रमितहरुको उमेर १७ देखि ४२ बर्ष उमेरको रहेको स्वास्थ्य तथा जनसंख्या मन्त्रालयका प्रवक्ता डा.विकास देवकोटाले जानकारी दिएका छन् । उनका अनुसार झापामा ९, कपिलवस्तुमा ४, काठमाण्डौंमा ३, सर्लाहीमा २ जना संक्रमित भेटिएका छन् भने मोरंग, सुनसरी, भक्तपुर, मकवानपुर, रामेछाप, ललितपुर, सिन्धुली, लम्जुङ र नवलपरासीमा १÷१ जना संक्रमित पुष्टि भएको उनले बताए ।
संक्रमित २७ मध्ये २४ जना पुरुष छन् भने ३ जना महिला छन् । कुल ४ सय २ मध्ये ३४० पुरुष र ६२ जना महिला रहेको पनि डा.देवकोटाले बताए । यस्तै, संक्रमित भेटिएको जिल्ला ३६ पुगेको पनि उनले बताए । संक्रमितहरुको कन्ट्याक्ट ट्रेसिङ शुरु भइसकेको पनि उनले बताए ।
