धरान: विवाह गर्ने आश्वासन दिएर पटक पटक करणी गरेको आरोपमा धरान ९ आचार्यलाईनबाट एक युवा पक्राउ परेका छन् ।

पक्राउ पर्नेमा आचार्यलाइनमा डेरा गरी बस्ने १९ बर्षीय उमेश ठटाल रहेका छन् । उनलाई इलाका प्रहरी कार्यालय धरानले हिजो दिउँसो ५ बजे पक्राउ गरेर जिल्ला अदालत सुनसरीबाट जर्बजस्ती करणी मुद्दामा म्याद थप गरेको जानकारी दिएको छ । ठटालले धरान १७ की १५ बर्षीय वालिकालाई विवाह गर्ने भनेर ललाई फकाई पटक पटक जर्बजस्ती करणी गरेको उजुरी पीडितका बाबुले प्रहरीमा दिएका थिए । सोही उजुरीको आधारमा ठटाल पक्राउ परेका हुन् ।