धरान: नेपालमा नयाँ ३६ जना कोरोना संक्रमित थपिएका छन् । योसँगै कुल संक्रमितहरुको संख्या ५८४ पुष्टि भएको छ ।

स्वास्थ्य तथा जनसंख्या मन्त्रालयका प्रवक्त डा.विकास देवकोटाले नियमित प्रेस ब्रिफिङमा नयाँ संक्रमितहरुको संख्या ३६ जना पुष्टि भएको जानकारी दिए । ती मध्ये सबैभन्दा बढी बाँकेमा २७ जना रहेका छन् । ती सबै पुरुष हुन् । यस्तै, वैतडीमा ४ जना पुरुषहरुमा पनि कोरोना संक्रमण पुष्टि भएको छ । झापा र वर्दियामा पनि एक एक जना संक्रमण पुष्टि भएको छ भने सुर्खेतमा २ जना पुरुष र १ जना महिला संक्रमित पुष्टि भएको पनि डा.देवकोटाले जानकारी दिए ।