सुनसरी: सुनसरीको धरान उपमहानगरपालिका १३ बाट लागुऔषध ब्राउनसुगर र लागुऔषध ट्याब्लेटसहित ३ जना परेका छन् ।

धरान १३ को एक घरबाट लागुऔषध बेचबिखन भईरहेको भन्ने गोप्य सूचनाका आधारमा ईलाका प्रहरी कार्यालय धरानबाट खटिएको प्रहरी टोलीले उनीहरुलाई पक्राउ गरेको हो । पक्राउ पर्नेहरुमा धरान १३ की २६ बर्षीया समिया लिम्बु, धरान १३ कै २९ बर्षीय मन्दिप मगर र धरान १५ का ४३ बर्षीय घनश्याम राई रहेका छन् । उनीहरुलाई ३ ग्राम ब्राउनसुगर र १५० ट्याबलेट नाईट्रोजन तथा ८३ हजार नगद सहित हिजो शनिवार राती ९ बजे पक्राउ गरेको हो । पक्राउ परेका तिनै जनाको सम्बन्धमा थप अनुसन्धान भईरहेको उक्त कार्यालयले जनाएको छ ।