झापा: झापाको दमक नगरपालिका १ को भित्री सडक खण्डमा पिकअप गाडीको ठक्करले एक पैदल यात्रीको मृत्यु भएको छ ।

गाडीको ठक्करबाट पैदल यात्री दमक नगरपालिका १ का ७८ बर्षीय दुर्गा प्रसाद अधिकारीको मृत्यु भएको हो । उनलाई आज दिउँसो पौने ४ बजेको समयमा पुर्वबाट पश्चिमतर्फ जाँदै गरेको मे १ च ९१७ नम्बरको पिकअपले ठक्कर दिएको थियो । ठक्करबाट घाइते भएका अधिकारीको लाईफ लाईन अस्पतालमा उपचारको क्रममा मृत्यु भएको ईलाका प्रहरी कार्यालय दमकले जनाएको छ। ठक्कर दिने पिकअप र चालकलाई नियन्त्रणमा लिई थप अनुसन्धान भईरहेको प्रहरीले जनाएको छ ।