_1704867435.jpeg)
भोजपुर: भोजपुरको षडानन्द नगरपालिका २ ताबुबाट बेवारीसे अवस्थामा १ थान कटुवा पेस्तोल र बिष्फोटक पदार्थ बरामद भएको छ ।
बिहिवार दिउँसो ईलाका प्रहरी कार्यालय दिङलाबाट गस्तिमा खटिएको प्रहरी टोलीले सो स्थानमा रहेको बादर रुङने टहरोमा शंका लागी चेकजाँच गर्दा फेला परेको हो । उक्त टहरोबाट १ थान कटुवा पेस्तोल, १ थान सकेट बम र २ थान डेटोनेटर बरामद गरेको प्रहरीले जनाएको छ । बरामद भएको सकेट बम नेपाली सेनासंग समन्वय गरी डिस्पोज गर्ने कार्य भईरहेको छ भने अन्य बरामद सामान सुरक्षित राखि थप अनुसन्धान कार्य भईरहेको जिल्ला प्रहरी कार्यालय भोजपुरले जनाएको छ ।
भरुवा बन्दुक सहित मानिस पक्राउ
तेह्रथुमको लालिगुराँस नगरपालिका ७ बाट १ थान भरुवा बन्दुक सहित १ जनालाई पक्राउ परेको छ । स्थानीय २२ बर्षीय लाल बहादुर तामाङलाई प्रहरीले पक्राउ गरेको हो ।
आफ्नै घरमा अबैध रुपमा भरुवा बन्दुक लुकाईछिपाई राखेको भन्ने सूचनाका आधारमा आज बिहान पौने १० बजे प्रहरी चौकी लसुनेबाट १ थान भरुवा बन्दुकसहित तामाङलाई पक्राउ गरेको हो । पक्राउ परेका तामाङको सम्बन्धमा थप अनुसन्धान भईरहेको जिल्ला प्रहरी कार्यालय तेह्रथुमले जनाएको छ ।
