मोरङ: करेन्ट लागेर विराटनगरमा एक जनाको ज्यान गएको छ ।

मोरङ बुढीगंगा ५ दिपुटोलका २५ बर्षीय सन्तोष महतोको आद करेन्ट लागेर मृत्यु भएको हो । दिउँसो साढे १ बजे बिराटनगर ६ स्थित स्टन कोल्ड स्टोरमा वेल्डिङ गर्ने क्रममा सन्तोषलाई करेन्ट लागेको थियो ।

करेन्ट लागेर बेहोस भएका उनलाई तत्काल उपचारको लागि बिराट नर्सिङ होम लगिएकोमा उपचारकै क्रममा उनको दिउँसो साढे २ बजे मृत्यु भएको जिल्ला प्रहरी कार्यालय मोरङले जनाएको छ । मृतक सन्तोष सोही स्टोरमा वेल्डिङको काम गर्दै आएको र घटना सम्बन्धमा कानुनी कारबाही भईरहेको उक्त कार्यालयले जनाएको छ ।