_1704867435.jpeg)
धरान: धरानको सेउती खोलामा एक महिला मृत अवस्थामा भेटिएको छ ।
प्रहरीका अनुसार मृतक धरान १५ की करिब ४६ बर्षीय विमला लामा हुन् । खोलामा उनी घोप्टो परेको अवस्थामा भेटिएको हो । स्थानीयले खबर गरेपछि प्रहरी घटनास्थलमा पुगेर मुचुल्कासमेत गरिसकेको इलाका प्रहरी कार्यालय धरानका प्रहरी निरीक्षक हेमराज ओलीले जानकारी दिए । उनका अनुसार मृतकको मुखबाट फिज आएको थियो भने गिलासमा पनि केही तरल पदार्थ भेटिएको थियो । उनले बिष सेवन गरेको हुनसक्ने प्रहरीको आशंका छ ।
अहिले मृतकको शव पोष्टमार्टमको लागि वीपी कोइराला स्वास्थ्य विज्ञान प्रतिष्ठान धरानको मर्चरीमा लगिएको छ । ‘आफन्तजनहरु पनि सम्पर्कमा आइसक्नु भएको छ । बिहानसम्म घरतिरै हुनुहुन्थ्यो रे,’ओलीले भने,‘बिष सेवन हो कि भन्ने छ । गिलासमा भएको वस्तु ल्याबमा परीक्षण गरेपछि प्रष्ट हुन्छ ।’
