_1704867435.jpeg)
धरान: लायन्स क्लब अफ धरान पिण्डेश्वरको पदस्थापन कार्यक्रम सम्पन्न भएको छ ।
धरान १२ स्थित चतरालाइनमा आयोजित कार्यक्रममा लायन्सका डिस्ट्रिक गभर्रनर ईन्द्र राजन खत्री प्रमुख अतिथि रहेका थिए । नव गठित पदाधिकारीहरुलाई पदस्थापन गराउदै प्रमुख अतिथि खत्रीले शुभकामना पनि व्यक्त गरेका थिए । उनले लायन विशुद्ध मानव सेवा र समाज सेवामा समर्पित रहेको धारणा राख्दै संस्थामा बस्ने सबैले परोपकारी भावना राख्नुपर्ने बताए ।
नव गठित क्लबका चार्टर प्रेसिडेन्ट अम्बिका घिमिरे आचार्य लगायत अन्य पादाधिकारीहरुलाई प्रमुख अतिथि खत्रीले प्रमाण पत्र तथा ब्याज प्रदान गरेका थिए । कार्यक्रममा होस्ट क्लब तथा होम क्लबका सदस्यहरुलाई लायन्स क्लब अफ पिण्डेश्वरका चार्टर प्रेसिडेन्ट अम्बिका घिमिरे आर्चायले धन्यवाद मन्तव्य राखेकी थिईन् । साथै समाजसेवीहरुलाई मायाको चिनो पनि वितरण गरेकी थिईन् ।
