मोरङ: मोरङ पथरी शनिश्चरे १० का ६० बर्षीय चक्रबहादुर खड्काको मोटरसाईकलको ठक्करबाट मृत्यु भएको छ ।

आज बिहान साढे ९ बजे पथरी शनिश्चरे स्थित भित्री सडक खण्डमा बा ६९ प ७४५ नम्बरको मोटरसाईकलले साईकल यात्री खड्कालाई ठक्कर दिदा गम्भिर घाईते भएका थिए । टाउको समेतमा चोट लागेको थियो । गम्भिर घाईते भएका खड्काको नोवेल अस्पताल बिराटनगरमा उपचारको क्रममा दिउसो पौने २ बजे मृत्यु भएको जिल्ला प्रहरी कार्यालय मोरङले जनाएको छ । मोटरसाईकल चालक पथरी शनिश्चरेकै हेमचन्द्र बास्तोला नियन्त्रणमा रहेको उक्त कार्यालयले जनाएको छ ।