सुनसरी: सुनसरीको कोशी गाउँपालिका ८ भाण्टाबारीबाट एक युवा लागुऔषधसहित पक्राउ परेका छन् ।

स्थानीय २३ बर्षीय मिथुन यादव हिजो लागुऔषधसहित पक्राउ परेका हुन् । दिउँसो करिब २ बजे भाण्टाबारीमा हिडिरहेको बेला नियन्त्रणमा लिई चेकजाँच गर्दा उनको साथबाट फेनारगन ४१ एम्पुल, डाईजेल्याव ३९ एम्पुल, लुपिजेसिक ४० एम्पुल, नाईट्रोशन १०० ट्याब्लेट र स्पास्मो प्रोक्सिभन १४४ क्याप्सुल फेला पारेको प्रहरीले जनाएको छ । पक्राउ परेका यादवको बारेमा थप अनुसन्धान भइरहेको प्रहरीले जनाएको छ ।