_1704867435.jpeg)
भोजपुर: भोजपुरको अरुण गाउँपालिका ३ प्याउलीमा भएको आगलागीमा परी एक नाबालिका घाइते भएकी छिन् ।
स्थानीय कर्ण बहादुर कार्कीको घरमा आगलागी हुँदा तीन बर्षीय विष्णुमाया कार्की घाइते भएकी हुन् । घाईतेलाई उपचारको लागी बिपी कोईराला स्वास्थ्य बिज्ञान प्रतिष्ठान धरान पठाईएको छ । उक्त आगलागीको घटनामा १५ लाख बराबरको क्षति भएको पनि प्रहरीले जनाएको छ । आज दिउँसो साढे १ बजे कार्कीको घरमा बिद्युत सर्ट भई अचानक आगलागी हुँदा टिनको छानो भएको कच्ची घर र घर भित्र रहेका खाद्यान्न, नगद तथा लत्ता कपडा लगाएत सम्पुर्ण समान जलेर नष्ट भएको छ । उक्त आगलागी प्रहरी र स्थानीयवासीको सहयोगमा दिउँसो पौने ३ बजे नियन्त्रणमा आएको जिल्ला प्रहरी कार्यालय भोजपुरले जनाएको छ ।
