सुनसरी: सुनसरीको ईनरुवा नगरपालिका ३ महेन्द्र चोकबाट लागुऔषधसहित २ जना पक्राउ परेका छन् ।

पक्राउ पर्नेमा ईनरुवा १० का ३० बर्षीय मोहमद अलाउदिन र सोही स्थानका २५ बर्षीय अक्तर आलम रहेका छन् । बुधबार बिहान साढे ११ बजे को १० प १९९ नम्बरको मोटरसाईकलमा आएका दुबै जनालाई नियन्त्रणमा लिई चेकजाँच गर्दा उनीहरुको साथबाट डाईलेक्स डिसी १० बोतल र स्पास्मो प्रोक्सिभन ११४ क्याप्सुल फेला परेको प्रहरीले जनाएको छ ।

विशेष सुराकीका आधारमा लागुऔषध नियन्त्रण ब्युरो विराटनगरबाट खटिएको प्रहरी टोलीले उनीहरुलाई पक्राउ गरेको हो । पक्राउ परेका दुबै जनालाई जिल्ला प्रहरी कार्यालय सुनसरीबाट कानुनी कारबाही अगाडी बढाईएको छ।