_1704867435.jpeg)
धरान: धरानमा पनि अवैधरुपमा गाँजा खेती र बिक्री गर्ने एक व्यक्ति पक्राउ परेका छन् ।
पक्राउ पर्नेमा धरान १३ का २९ बर्षीय नविन मगर रहेका छन् । उनलाई इलाका प्रहरी कार्यालय धरानले गाँजासहित पक्राउ गरेको जनाएको छ । गाँजा घरबाट बेचबिखन गर्ने गरेको बिशेष सुचनाको आधारमा प्रहरी टोली खटिएर पक्राउ गरिएको डिएसपी ज्ञानेन्द्र बस्नेतले जानकारी दिए । उनका अनुसार घरमा खानतलासी गर्दा बेच्नलाई तयारी बनाएको ३०० ग्राम तयारी गाँजा फेला परेको थियो ।
यस्तै, बारीमा लगाएको १३ बोट हरियो गाँजा पनि भेटिएको थियो । उनलाई हरियो १३ बोट गाँजा र बरामद ३०० ग्राम गाँजासहित हिजो अनुसन्धानको लागि लागूऔषध (गाँजा) मुद्दामा म्याद थप भई अनुसन्धान भईरहेको छ, डिएसपी बस्नेतले भने । डिएसपी बस्नेतका अनुसार मगरले घरमै गाँजाको बोट रोपेर उत्पादन गर्ने गरेका छन् । यस्तै, अन्यत्रबाट पनि ल्याएर बिक्री गर्ने गरेको खुलेको छ ।
