झापा: झापाको कमल गाउँपालिका ३ केर्खामा भएको मोटरसाईकल दुर्घटनामा परी चालकको मृत्यु भएको छ ।

शनिवार राती सवा १२ बजे पुर्ववाट पश्चिमतर्फ जाँदै गरेको मे १० प ९८२६ नम्बरको मोटरसाईकलले सडकमा उभिरहेको राँगालाई ठक्कर दिंदा दुर्घटनामा भएको थियो । उक्त दुर्घटनामा मोटरसाइकल चालक झापा गाउँपालिका ६ का २७ बर्षीय प्रदिप लम्साल घाइते भएका थिए । उनलाई उपचारको लागी लाईफ लाईन अस्पताल दमक लैजाने क्रममा बाटोमा नै मृत्यु भएको ईलाका प्रहरी कार्यालय दमकले जनाएको छ। सोही मोटरसाईकलमा रहेका २६ बर्षीय धर्मेन्द्र सुवेदी घाईते भई सोही अस्पतालमा उपचार भईरहेको छ ।