_1704867435.jpeg)
धरान: धरान वडा नं २० स्थित विष्णुपादुकाबाट अवैध गाँजासहित एक युवा पक्राउ परेका छन् ।
पक्राउ पर्नेमा धनकुटाको साँगुरीगढी गाउँपालिका ९ का १९ बर्षीय सुजन राई रहेका छन् । उनलाई हिजो बिहिबार राती करिब ८ बजे प्रहरीले पक्राउ गरेको हो । विष्णुपादुकास्थित अस्थायी प्रहरी चौकीबाट खटिएको प्रहरी टोलीले उनलाई २ किलो गाँजासहित पक्राउ गरेको इलाका प्रहरी कार्यालय धरानले जानकारी दिएको छ ।
प्रहरीका अनुसार सुजनले आफ्नो साथमा बोकेको झोला चेकजाँच गर्दा प्लाष्टिकमा लुकाई राखेको २ किलो गाँजा फेला परेको थियो । उनलाई पक्राउ गरि लागुऔषध गाँजा मुद्दाको अनुसन्धानको लागि सुनसरी जिल्ला अदालतबाट म्यादथप गरेर अनुसन्धान भइहेको डिएसपी ज्ञानेन्द्र बस्नेतले जानकारी दिए ।
