_1704867435.jpeg)
झापा: झापामा खोलाले बगाएर एक जनाको मृत्यु भएको छ भने अर्का एक व्यक्ति वेपत्ता भएका छन् ।
अर्जुनधारा नगरपालिका ४ का ३० बर्षीय सुगम राईलाई स्थानीय डुबे खोलाले बगाएर मृत्यु भएको हो । उनको खास घर संखुवासभा भए पनि झापा अर्जुनधारा ४ मा बस्दै अँएका थिए । उनी बुधवार दिउँसो २ बजे श्रीमती र अन्य साथीहरुसंगै दहिझोडा सामुदायिक वनतर्फ गएका थिए । त्यसक्रममा उनी बाटोमा रहेको डुबे खोला तर्ने क्रममा अचानक खोलाले बगाउँदा मृत्यु भएको १ नम्बर प्रदेश प्रहरी कार्यालयले जनाएको छ ।
खोलाले बगाएका राईलाई संगै गएका साथीहरुले नै मृत अवस्थामा उद्दार गरेर प्रहरीमा खबर गरेका थिए । प्रहरी टोली घटनास्थल पुगेर थप अनुसन्धान कार्य भईरहेको जिल्ला प्रहरी कार्यालय झापाले जनाएको छ । यसैगरी, झापाकै कन्काई नगरपालिका ४ का २७ बर्षीय कमल मुखियालाई माई खोलाले बगाएर वेपत्ता बनाएको छ । माई खोलाको बाढीले बगाएर ल्याएको दाउरा निकाल्ने क्रममा उनलाई खोलाले बगाएर बेपत्ता बनाएको हो ।
