ईलाम: ईलाम नगरपालिककाको कार्यालयमा बृद्ध भत्ता लिएर घर फर्कदै गरेकी एक वृद्ध मृत फेला परेकी छिन् ।

देउमाई नगरपालिका ४ की ७२ बर्षीया सन्च रानी लिम्बु देउमाई नगरपालिका २ स्थित सार्की खोलामा मृत फेला परेकी हुन् । बिहिवार अपरान्ह साँढे ५ बजे उक्त खोलामा बृद्धा मृत अवस्थामा रहेको जानकारी प्रहरीमा पुगेको थियो । लगत्तै ईलाका प्रहरी कार्यालय मंगलवारेबाट प्रहरी टोली खटि गई मृतकको कानूनी प्रकृया पुरा गरी अन्य थप अनुसन्धान भईरहेको जिल्ला प्रहरी कार्यालय ईलामले जनाएको छ ।