खोटाङ: खोटाङको केपिलासगढी गाउँपालिका १ का २७ बर्षीय राकेश राई हत्या आरोपमा पक्राउ परेका छन् ।

साउन २० गते राती पौने ९ बजेको समयमा स्थानीय ५६ बर्षीय जबरधन राईसँग सामान्य बिबाद हुँदा उनले रिसको आवेगमा दाउराको चिर्पटले प्रहार गरेका थिए । गम्भीर घाईते भएका राईलाई अस्पताल लैजाने तयारी गर्दा गर्दै घरमा नै मृत्यु भएको थियो । घटनाको जानकारी पाए लगत्तै प्रहरी चौकी खार्ताम्छाबाट खटिएको प्रहरी टोलीले फरार रहेका राकेशलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय खोटाङले जनाएको छ ।