धरान: धरानमा आज थप ७ जनामा कोरोना संक्रमण पुष्टि भएको छ । योसँगै धरानमा संक्रमितहरुको कुल संख्या ७१ पुगेको छ ।

स्वास्थ्य महाशाखा प्रमुख उमेश मेहताका अनुसार ती मध्ये ५ जना इण्डिन आर्मीका हुन् भने १ जना साउदी अरबबाट फर्किएका हुन् । त्यसबाहेक धरान १६ का २३ बर्षीय एक युवा मात्र घरमा नै रहेकोमा संक्रमण पुष्टि भएको हो । इण्डियन आर्मीमध्ये ४ जना एन्फामा बसेको र १ जना होटल क्वारेन्टिनमा बसेका थिए ।

हाल एन्फा क्वारेन्टिनमा धरान १३ का १ जना इण्डिन आर्मी र साउदीबाट आएका धरान १ का युवा मात्र छन् । अर्का, धरान ११ का एक जना इण्डिन आर्मी होटलमा नै बसिरहेका छन् । अन्य  ३ जना इण्डिन आर्मी वडा १९ का एक जना र ११ वडाको २ जना घरमा गएका छन् । उनीहरु घरमा होम क्वारेन्टिनमा गएर बस्ने गरि सम्झाएर पठाएको मेहताले जानकारी दिए । 'उहाँहरुकै आग्रहमा घरमा नै क्वारेन्टिनमा बस्ने गरि पठाइएको थियो,'उनले भने ।