_1704867435.jpeg)
.धरान: जंगलमा निगुरो टिप्न गएको बेला खुकुरी देखाएर जर्बजस्ती करणी गर्न खोज्ने एक युवा धरानबाट पक्राउ परेका छन् ।
इलाका प्रहरी कार्यालयका अनुसार धरान १७ का ३३ बर्षीय तेजकुमार धामी हतियार खुकुरीसहित पक्राउ परेका हुन् । उनले हिजो शुक्रबार बिहान साढे ११ बजे धरान १७ स्थित उदय सामुदायिक वनमा निगुरो टिप्न गएकी ५२ बर्षीय महिलालाई जर्बजस्ती करणी गर्ने प्रयास गरेको प्रहरीले जनाएको छ ।
प्रहरीका अनुसार धामीले खुकुरी देखाएर जर्बजस्ती गर्न खोजेका थिए भने पीडित महिलाको कानमा लगाएको सुनको कुण्डल र नाकमा लगाएको फुली पनि लुछेर भागेका थिए । घटनाबारे पीडित महिलाले प्रहरीमा जानकारी गराएकी थिइन् । घटनाबारे जानकारी पाएलगत्तै प्रहरीले धामीलाई उनकै घरबाट नियन्त्रणमा लिएको जनाएको छ । डिएसपी ज्ञानेन्द्र बस्नेतका अनुसार पीडित महिला र पीडक धामीको मेडिकल जाँच भइसकेका छ भने धामीलाई जर्बजस्ती करणी उद्योग तथा चोर मुद्दामा अनुसन्धान भइरहेको डिएसपी बस्नेतले जानकारी दिए ।
