धरान: गाँजासहित धरान १६ लोकतान्त्रिक बस्तीमा घरबाटै गाँजाको कारोबार गर्ने एक जनालाई प्रहरीले हिजो बुधबार पक्राउ गरेको छ ।

पक्राउ पर्नेमा ३४ बर्षीय किरण धिमाल छन् । ईलाका प्रहरी कार्यालय धरानले धिमाललाई आज गाँजासहित सार्वजनिक गरेको छ । उनले घरबाट नै गाँजाको कारोबार गरिरहेको सुचना प्रहरीले पाएको थियो । सुचना अनुसार छापा मार्दा उनले बेच्नलाई तयारी अवस्थामा बनाइराखेको ६ किलो गाँजा वरामद भयो । गाँजाको परिमाण र तयारी अवस्थाले उनी कारोबारी भएको प्रहरीको दाबी छ । तर, उनले गाँजा कहाँबाट ल्याउछन् भन्ने जानकारी प्रहरीलाई दिएको छैन ।

इलाका प्रहरी कार्यालय धरानका डिएसपी ज्ञानेन्द्र बस्नेतका अनुसार धिमालले घरमा नै डिलर बनाएर गाँजा सप्लाई गर्ने गरेका छन् । उनले धरानमा नै बिक्री गर्ने गरेको पनि डिएसपी बस्नेतले बताए । तर, धिमालले कोबाट गाँजा प्राप्त गर्थे भन्ने खुलाउन नमानेको कारण प्रहरीले गाँजाका अन्य कारोबारीसम्म पुग्न सकेको छैन । 'उसले गाँजा को बाट पायो भनेर भन्दैन । नाम थाह छैन, ल्याएर दियो मात्रै भन्छ,'डिएसपी बस्नेतले भने,'धरानमा नै बेच्ने गरेको रहेछ ।' धिमाललाई म्याद थप गरेर थप अनुसन्धान भइरहेको बस्नेतले बताए ।