बिराटनगर: मोरङ र सुनसरीका २ स्थानबाट लागुऔषध सहित ३ जनालाई प्रहरीले पक्राउ गरेको छ ।

ईलाका प्रहरी कार्यालय बुधनगर मोरङबाट खटिएको प्रहरी टोलीले शनिवार दिउँसो २ बजे लागुऔषधसहित २ जनालाई पक्राउ गरेको हो । गस्तिमा खटिएको प्रहरी टोलीले प्रदेश नं १-०२-०४० प ९६६८ नं को मोटरसाईकललाई चेकजाँच गर्ने क्रममा लागुऔषध फेला परेको थियो । चालक गढी गाउँपालिका ३ सुनसरीका २७ बर्षीय सुभाष कुमार साह र पछाडी सवार रहेका मोरङ जहदा गाउँपालिका १ का २१ बर्षीय रुपेश यादव लागुऔषधसहित पक्राउ परेका हुन् । उनीहरुको साथबाट डाइलेक्स डिएल १४ बोतल वरामद भएको छ । 

यसैगरी लागुऔषध नियन्त्रण ब्युरो बिराटनगरबाट खटिएको प्रहरी टोलीले सुनसरीको भाण्टावारीबाट स्थानीय २२ बर्षीय सुसिल शर्मालाई लागुऔषधसहित पक्राउ गरेको छ । उनको साथबाट नाईट्रोसन १०० ट्याब्लेट, एसपी ५५२ ट्याब्लेट र कोरेक्स १०० एमएलको ३३ बोतल वरामद भएको छ । पक्राउ परेकाहरुबारे थप अनुसन्धान भइरहेको प्रहरीले जनाएको छ ।