_1704867435.jpeg)
धरान: कोरोना संक्रमण पछि होम आइसोलेसनमा बसिरहेका व्यक्तिहरुलाई थप हौसला प्रदान गर्न लिबरल सोसाइटीले इटहरी २० तरहरामा पौष्टिक आहारयुक्त खानेकुरा एवं जडीबुटी पनि वितरण गरेको छ ।
लिबरल सोसाइटीले तरहराका ५ जना संक्रमित व्यक्तिहरुलाई घरमा नै पुगेर खानेकुरा तथा जडीबुटी वितरण गरेको हो । संस्थाका सदस्य सुरेश गुरुङले संक्रमितहरुलाई हेला होइन, माया र हौसला प्रदान गरौं भन्ने सन्देश दिनको लागि घरमा पुगेर वितरण गरिएको बताए ।
उनका अनुसार घरेलु जडीबुटी गुर्जो, पौष्टिक आहारको साथै फेस मास्क, सेनिटाइजर वितरण गरिएको थियो । यस्तै, संक्रमण भएपश्चात अपनाउनुपर्ने स्वास्थ्य विधिद्धारा निर्देशित प्राकृति तथा योगिक उपचार विधिको सुची पनि घरघरमा पुगेर संक्रमितहरुलाई वितरण गरिएको गुरुङले जानकारी दिए । इटहरी वडा २०, तरहरा क्षेत्रमा हाल ५ जना मात्र संक्रमितहरु होम क्वारेन्टिनमा रहेका छन् ।
