झापा: झापाको बिर्तामोड बगरपालिका ३ बाट ब्राउनसुगरसहित १ जना पक्राउ परेका छन् ।

बिर्तामोड नगरपालिका ३ मा गोपाल गौतमले संचालन गरेको गोपाल एग्रोभेटमा लागुऔषध ब्राउनसुगरको कारोवार हुने गरेको सुचनाको आधारमा प्रहरीले शुक्रवार दिउँसो ४ बजे छापा मारेको थियो । ईलाका प्रहरी कार्यालय अनारमनीबाट खटिएको प्रहरी टोलीले एग्रोभेटबाट २२ ग्राम ब्राउनसुगर बरामद गरेको थियो । ब्राउनसुगर बरामद भएसंगै एग्रोभेट संचालक ३० बर्षीय गोपाल गौतमलाई प्रहरीले नियन्त्रणमा लिएर थप अनुसन्धान भईरहेको ईलाका प्रहरी कार्यालय अनारमनीले जनाएको छ ।