झापा: झापाको कमल गाँऊपालिका ७ बाह्रघरेका २४ बर्षीय दिनेश ऋषिदेवले आफ्नै आमाको हत्या गरेका छन् ।

आमाको हत्या आरोपमा प्रहरीले दिनेशलाई पक्राउ गरिसकेको छ । उनले आइतबार राती ८ बजेको समयमा मादक पदार्थ सेवन गरी आफ्नै ५० बर्षीया आमा मिरा ऋषिदेवको हत्या गरेका हुन् । दिनेशले बन्चरोले शरीरको बिभिन्न भागमा अन्धाधुन्द प्रहार गरी आमाको हत्या गरेका थिए । घटनाको जानकारी पाएलगत्तै ईलाका प्रहरी कार्यालय दमकको प्रहरी टोलीले दिनेशलाई पक्राउ गरेको छ भने घटना सम्बन्धमा थप अनुसन्धान भईरहेको ईलाका प्रहरी कार्यालय दमकले जनाएको छ ।