झापा: झापाको अर्जुनधारा ११, बसपार्क र बिर्तामोड भगवान चोकबाट ब्राउनसुगरसहित ३ जना पक्राउ परेका छन् ।

पक्राउ पर्नेमा बिर्तामोड ३ का २४ बर्षीय बिशाल राजवंशी र सोही स्थानका १५ बर्षीय नर प्रसाद राजवंशी रहेका छन् । अर्का बिर्तामोड २ का २२ बर्षीय प्रदिप राजवंशी पनि पक्राउ परेका छन् । बिशाल र नर प्रसाद ११ ग्राम ब्राउनसुगर सहित अर्जुनधाराबाट पक्राउ परेको जिल्ला प्रहरी कार्यालय झापाले जनाएको छ ।

यसैगरी प्रदिप १० ग्राम ब्राउनसुगरसहित बिर्तामोड भगवान चोकबाट पक्राउ परेको उक्त कार्यालयले जनाएको छ। बिशेष सुराकका आधारमा उनीहरुलाई हिजो राती पौने ११ बजे पक्राउ गरिएको हो । पक्राउ परेका तिनै जनामाथि ईलाका प्रहरी कार्यालय अनारमनीबाट थप अनुसन्धान तथा कानुनी कारबाही अगाडी बढाईएको प्रहरीले जनाएको छ ।