उदयपुर: उदयपुर रौतामाई २ का ५५ बर्षीया मैया लुङगेली मगरलाई खोलाले बगाएर मृत्यु भएको छ ।

हिजो राती ८ बजे माईती घरबाट फर्कने क्रममा रसुवा खोला तर्दै गर्दा उनलाई खोलाले बगाएको थियो । झण्डै दुई सय मिटरसम्म खोलाले बगाए पछि झाडीमा अड्केको अवस्थामा मैयाको शव फेला परेको स्थानीयले प्रहरीमा खबर गरेका थिए । घटनाको जानकारी पाउनसाथ प्रहरी टोली खटिएर कानुनी कारबाही भईरहेको जिल्ला प्रहरी कार्यालय उदयपुरले जनाएको छ ।